Մռայլ աշխարհիս՝ փունջ մը վարդ

Անցեալ տարի Արցախի մէջ ծնած է 1463 երախայ

2021 թուականին, Արցախի Հանրապետության Առողջապահութեան նախարարութեան բժշկական հաստատութիւններուն մէջ ծնած է 1463 երախայ` 734 մանչ, 729 աղջիկ:

Առողջապահութեան նախարարութենէն կը տեղեկացնեն, թէ ծնունդներէն 1337-ը արձանագրուած է մայրաքաղաք Ստեփանակերտի մէջ:

Տարուան ընթացքին լոյս աշխարհ եկած են 22 երկուորեակներ։ Իսկ արտամարմնային բեղմնաւորման ճամբով (fécondation in vitro)  ծնած են երեք մանչուկներ։

Հայաստանի մէջ ալ 78 արցախցի երախայ ծնած է։ Հետեւաբար 2021-ի ծնունդներու ընդհանուր թիւը 1541 է (779 մանչ եւ 762 աղջիկ)։