Հայաստանի Վիճակագրական յանձնախումբին տուեալներով՝ 2025-ի առաջին կիսամեակին նորածին մանուկները առաւելաբար կոչած են Նարէ եւ Դաւիթ։

Ընթացիկ տարուան առաջին վեց ամիսներուն Հայաստանի մէջ լոյս աշխարհ եկած են 7003 աղջիկ եւ 7606 մանչ։

Նորածին աղջիկներուն առաւելաբար տրուած է Նարէ (258), Լուսէ (237), Արփի (234), Մարիա (229) և Անգելինա (163), Եւա (154), Մանէ (144), Էմիլի (128), Մարիամ (126) անունները:

Իսկ ծնած 7606 մանչերէն 491-ը ծնողները կոչած են Դաւիթ, 331-ը՝ Նարեկ, 282-ը՝ Հայկ, 265-ը՝ Ռոբերտ, 255-ը՝ Միքայէլ, 231-ը՝ Մարկ, 216-ը՝ Մոնթէ, 214-ը՝ Արեգ, 210-ը՝ Տիգրան, 205-ը՝ Լէօ: