Նեթանիահու՝ բացակայ

Աշխար­հի աւե­լի քան 20 եր­կիրնե­րու ղե­կավար­ներ Հոկ­տեմբեր 13-ին հա­մախմբուեցան Եգիպ­տո­սի Շարմ էլ—Շէյխ քա­ղաքին մէջ՝ մաս­նակցե­լու հա­մար Մեր­ձա­ւոր Արե­ւել­քի խա­ղաղու­թեան վե­հաժո­ղովին, որուն նպա­տակն էր Կա­զայի հար­ցով խա­ղաղու­թեան փաս­տա­թուղթի մը ստո­րագ­րութիւ­նը։ ԱՄՆ նա­խագահ Տա­նըլտ Թրամ­փի եւ Եգիպ­տո­սի նա­խագահ Ապ­տել Ֆաթ­թահ էլ—Սի­սիի հա­մանա­խագա­հու­թեամբ ըն­թա­ցած այս կա­րեւոր հան­դի­պու­մին ներ­կայ էին ՄԱԿ—ի Ընդհա­նուր քար­տուղար Ան­թո­նիօ Կու­թե­րէշ, Մեծն Բրի­տանիոյ վար­չա­պետ Քիր Սթար­մըր, Ֆրան­սա­յի նա­խագահ Էմա­նիւէլ Մաք­րոն, Գեր­մա­նիոյ վար­չա­պետ Ֆրիտ­րիխ Մերց եւ այլ բարձրաս­տի­ճան պաշ­տօ­նատար­ներ։

Վե­հաժո­ղովին, նա­խագահ­ներ Թրամ­փի եւ Սի­սիի հրա­ւէրով, կը մաս­նակցէր նաեւ վար­չա­պետ Փա­շինեան, ըն­կե­րակ­ցութեամբ Ար­տա­քին գոր­ծոց նա­խարար Արա­րատ Միր­զո­յեանի։

Ոչ—պաշ­տօ­նական շփումներ

Ձեռ­նարկի շրջա­նակին մէջ, ու­շագրաւ զար­գա­ցում մը ար­ձա­նագ­րուե­ցաւ, երբ վար­չա­պետ Փա­շինեան եւ Ազեր­պայճա­նի նա­խագահ Ալիեւ ոչ—պաշ­տօ­նա­կան զրոյց մը ու­նե­ցած են։ Անոնց զրոյ­ցին միացած է նաեւ Փա­քիս­տա­նի վար­չա­պետ Շեհ­պազ Շա­րիֆ, որ իր ու­րա­խու­թիւ­նը յայտնած է եր­կու ղե­կավար­նե­րը զրու­ցե­լու ըն­թաց­քին տես­նե­լուն հա­մար։ Իր կար­գին, վար­չա­պետ Փա­շինեան Փա­քիս­տա­նի իր պաշ­տօ­նակի­ցին յի­շեցու­ցած է եր­կու եր­կիրնե­րու մի­ջեւ 2025 Օգոս­տոս 31-ին դի­ւանա­գիտա­կան յա­րաբե­րու­թիւններ հաս­տա­տելու մա­սին ստո­րագ­րուած հա­մատեղ հա­ղոր­դագրու­թիւնը։

Նա­խարար Միր­զո­յեան եւս հան­դի­պումներ ու­նե­ցած է Սաու­տա­կան Արա­բիոյ, Ազեր­պայճա­նի, Սպա­նիոյ, Ֆրան­սա­յի, Թուրքիոյ, Հնդկաս­տա­նի եւ այլ եր­կիրնե­րու իր պաշ­տօ­նակից­նե­րուն հետ։

Նե­թանիահուի անակնկալ բա­ցակա­յու­թիւնը

Հա­կառակ նախ­նա­կան սպա­սումնե­րուն, Իս­րա­յէլի վար­չա­պետ Պե­նիամին Նե­թանիահու չէ մաս­նակցած վե­հաժո­ղովին։ Անոր գրա­սենեակը յայ­տա­րարած է, որ բա­ցակա­յու­թեան պատ­ճա­ռը Հոկ­տեմբեր 13-ի երե­կոյեան սկիզբ առ­նող հրէական տօնն է։ Այս որո­շու­մը կը հա­կասէ նա­խապէս տա­րածուած տե­ղեկու­թիւննե­րուն, որոնց հա­մաձայն Նե­թանիահու հե­ռաձայ­նա­յին խօ­սակ­ցութեան մը ըն­թացքին ըն­դունած էր նա­խագահ Սի­սիի հրա­ւէրը։ Իր բա­ցակա­յու­թիւնը յայ­տա­րարե­լով հան­դերձ, Նե­թանիահու շնոր­հա­կալու­թիւն յայտնած է նա­խագահ Թրամ­փին՝ «ու­ժի մի­ջոցով խա­ղաղու­թիւն» հաս­տա­տելու իր ջան­քե­րուն համար։