«Ոսկէ ծիրան» շարժանկարի միջազգային փառատօնը, որ 22-րդ անգամ իր շուրջ համախմբեց շարժարուեստի ականաւոր գործիչներ, մրցանակակիր ֆիլմեր աշխարհի տարբեր ծայրերէն, եզրափակուեցաւ մրցանակաբաշխութեամբ, որ տեղի ունեցաւ Յուլիս 19-ին Կինոյի տան մէջ։

Երկար ֆիլմերու միջազգային մրցոյթին «Ոսկէ ծիրան» ստացաւ Իկոր Պեզինովիչի «Ֆիումէ կամ մա՛հ» (Խրուաթիա/Իտալիա/Սլովենիա) ֆիլմը, «Արծաթէ ծիրան»-ը շահեցաւ Թաթօ Գոթեթիշվիլիի «Սուրբ ելեկտրականութիւն» (Վրաստան) ժապաւէնը, իսկ յատուկ յիշատակման արժանացաւ Օլկա Ժուրպայի «Դանդաղ այրող հողի երգեր» (Ուքրաինա/Դանիա/Շուէտ/Ֆրանսա) ֆիլմը։

«Ծիրանի կորիզ» մրցոյթին «Ոսկէ ծիրան»-ը շնորհուեցաւ Գոռ Առուշանեանի «Մայրենիքը» (Հայաստան/Լեհաստան) ֆիլմին, «Արծաթէ ծիրան»-ի արժանացաւ Զաք Դեմիրճեանի «Օձի ապուրը» (Հայաստան), ժապաւէնը, իսկ յատուկ յիշատակման արժանացաւ Արեգ Ազատեանի «Աշխարհը մերն ա» (ԱՄՆ/Հայաստան) ֆիլմը։

Գոռ Առուշանեանի ֆիլմը նաև արժանացաւ «Գենադի Մելքոնեան» յատուկ մրցանակին։

FIPRESCI-ի մրցանակը շնորհուեցաւ Մորատ Մոսթաֆայի «Այշա չի կրնար թռչիլ հեռանալ» (Եգիպտոս/Սուտան/Թունիս/Սաուտական Արաբիա/Քաթար/Ֆրանսա/Գերմանիա) ֆիլմին։

Տարածաշրջանային մրցոյթին «Ոսկէ ծիրան» մրցանակի արժանացաւ Սեպիտէ Ֆարսիի «Սիրտդ ձեռքդ առ ու քալէ» (Ֆրանսա/Պաղեստին) ֆիլմը, «Արծաթէ ծիրան» ստացաւ Սայիտ Նուրիի «Թեհրան․ անաւարտ պատմութիւն» (Իրան) ֆիլմը, յատուկ յիշատակման արժանացաւ Զարտաշթ Ահմետի «Տիգրիս գետի առիւծները» (Նորվեկիա/Նետերլանտներ) ժապաւէնը։

Մրցանակները յանձնեց յետյեղափոխական իրանական շարժարուեստի առաջամարտիկ, «Երկրորդ ալիքի» ներկայացուցիչ Ամիր Նատերի, որ 22-րդ «Ոսկէ ծիրան»-ի պատուոյ հիւրն էր եւ Տարածաշրջանային մրցոյթի դատակազմի նախագահը։

Փառատօնի յատուկ՝ «Փարաճանովեան թալեր» մրցանակը՝ շարժարուեստի բնագաւառին մէջ ունեցած վաստակին համար յանձնուեցաւ դատակազմի նախագահ, Գաննի փառատօնի եւ Սեզարի մրցանակակիր, մաւրիտանացի վարպետ Ապտերահման Սիսաքոյին։

Փառատօնի մէկ այլ յատուկ «Վարպետ» մրցանակը յանձնուեցաւ յունական նոր ալիքի համահիմնադիր, նշանաւոր «Աթենպերկ» ֆիլմի բեմադիր, փառատօնի դատակազմի անդամ Աթինա Ռախիլ Ցանկարիին։

Ան խոստովանեցաւ, որ շատ յուզուած է, քանի որ մրցանակի կ՚արժանանայ Հենրիկ Մալեանի, Սերկեյ Փարաճանովի եւ Արտաւազդ Փելեշեանի հայրենիքին մէջ։

Փառատօնի յատուկ՝ «Փարաճանովեան թալեր» մրցանակ յանձնուեցաւ նաեւ «Ոսկէ ծիրան» փառատօնի համահիմնադիր եւ նախագահ Յարութիւն Խաչատրեանին։

Մրցանակը Խաչատրեանին յանձնեցին Ապտերահման Սիսաքօ եւ փառատօնի գործիչներէն Մարքօ Միւլեր։

Մրցանակներու յանձնումի արարողութենէն յետոյ Յարութիւն Խաչատրեան բեմ հրաւի