Ազերպայճանական լրասփիւռներուն համաձայն՝ Օգոստոս 7-ին, Ազերպայճանի նախագահ Իլհամ Ալիեւ Ուաշինկթընի մէջ հանդիպում ունեցած է ԱՄՆ-ու նախագահի յատուկ բանագնաց Սթիւ Ուիթքոֆի հետ:

Մինչ այդ, Պաքուի պետական քարիւղային ընկերութեան՝ «Սոքար»-ի եւ ամերիկեան «ԷքսոնՄոպիլ»-ի միջեւ ստորագրուած է գործակցութեան յուշագիր մը։ Փաստաթուղթը ստորագրած են Ազերպայճանի Տնտեսութեան նախարար Միքայիլ Ճապարով եւ «ԷքսոնՄոպիլ»-ի փոխնախագահ Ճոն Արտիլ։