Օգոստոս 4-ին, Ուքրաինայի մէջ Հայաստանի դեսպանատան երդիքին տակ, առժամեայ հաւատարմատար Գէորգ Պետրոսեան շարժանկարի երիտասարդ բեմադիր Օլհա Ժուրպային յանձնած է «Յատուկ յիշատակում» (Special mention) մրցանակը։ Վերջինիս «Դանդաղ այրող հողի երգեր» (Songs of slow burning earth) ժապաւէնը սոյն պարգեւին արժանացած էր «Ոսկէ ծիրան» 22-րդ միջազգային փառատօնին։

Հանդիպումին ներկայ եղած են Ուքրաինայի շարժանկարի գործիչներու ազգային միութեան նախագահ Սերկեյ Պորտենիուք եւ հայ բեմադիր Ռոման Բալայեան։

Գէորգ Պետրոսեան շնորհաւորած եւ յաջողութիւն մաղթած է երիտասարդ բեմադիրին։