«Ռոյթըրզ» լրա­տու գոր­ծա­կալու­թիւնը յղում ընե­լով իր աղ­բիւրնե­րուն կը հա­ղոր­դէ, թէ Ուա­շինկթը­նի մէջ ԱՄՆ-ու նա­խագահ Տա­նըլտ Թրամ­փի հրա­ւիրած հան­դի­պու­մը՝ Հա­յաս­տա­նի եւ Ազեր­պայճա­նի ղե­կավար­նե­րուն հետ, կ՚աւար­տի խա­ղաղութեան շրջա­նակ-հա­մաձայ­նագրի ստո­րա-

գ­րութեամբ, որով ԱՄՆ-ը բա­ցառիկ իրա­ւունքներ կը ստա­նայ Հա­րաւա­յին Կով­կա­սի ռազ­մա­վարա­կան տա­րան­ցիկ մի­ջանցքի նկատ­մամբ։

ԱՄՆ-ու պաշ­տօ­նատար­նե­րը, իրենց անունը չյայտարարելու պայ­մա­նով, Reuters-ին ըսած են, թէ այդ շրջա­նակ-հա­մաձայ­նա­գիրը կա­րելիու­թիւն պիտի ըն­ձե­ռէ լու­ծե­լու եր­կար ատեն քննար­կուող տա­րան­ցիկ ճա­նապար­հի հար­ցը։

«Ազեր­պայճան խնդրած է եր­թե­ւեկու­թեան մի­ջանցք՝ Հա­յաս­տա­նի տա­րած­քով Նա­խիջեւանին կա­պուե­լու հա­մար»,– յայտնած են ամե­րիկա­ցի պաշ­տօ­նատար­նե­րը։

Reuters-ի հա­մաձայն՝ Հա­յաս­տան կը ծրագ­րէ Միացեալ Նա­հանգնե­րուն տալ տա­րանցման մի­ջանցքի զար­գացման բա­ցառիկ իրա­ւասութիւններ՝ երկար ժամանակով, եւ ան պիտի կոչուի «Թրամփի երթուղի՝ միջազգային խաղաղութեան եւ բարգաւաճման համար» (Trump Route for International Peace and Prosperity — TRIPP)։ 

Ըստ «Թուրան» լրա­տու գոր­ծա­կալու­թեան լրագ­րող Ալեքս Ռաու­ֆօղլո­ւի՝ Փա­շինեան եւ Ալիեւ պի­տի ստո­րագ­րեն նաեւ Մինսքի խումբէն դուրս ել­լե­լու միացեալ յու­շա­գիր մը։

Թէ՛ «Ռոյ­թըրզ»-ի եւ թէ՛ Ռաու­ֆօղլո­ւի հա­մաձայն՝ TRIPP-ը տնտե­սական ու առեւտրա­կան նա­խաձեռ­նութիւն մըն է. «ԱՄՆ-ը կը ստանձնէ պա­տաս­խա­նատ­ւութիւն՝ ապա­հովե­լու եր­թուղիի անվտանգ գոր­ծունէու­թիւ­նը բո­լոր կող­մե­րուն հա­մար՝ բարձրակարգ մասնագէտ ընկերութիւններու հետ համա­ձայնագրերու միջոցով»։