Հայաստանի պետական սիմֆոնիկ նուագախումբը «Ithra» մշակութային կեդրոնի հրաւէրով Յուլիս 1–10 կը գտնուի Սաուտական Արաբիոյ Տահրան (Dhahran) քաղաքը։

Նուագախումբը Ithra թատերասրահին մէջ ներկայացուցած է «Ուոլթ Տիզնեյ»-ի կենդանապատկեր ֆիլմերուն՝ « La Reine des neiges » եւ « Le Roi lion » երաժշտութիւնը։

Համերգները կը ղեկավարէ խմբավար Էրիք Օշներ։ Համերգային երեկոյթները կը համեմուին նորարարական լուծումներով, պաստառին ցուցադրուող պատկերներով։

Հայաստանի պետական սիմֆոնիք նուագախումբը այս տարի արդէն ելոյթներ ունեցած է «Ithra» թատերասրահին մէջ՝ ներկայացնելով «Game on» համերգային ծրագիրը, որու ընթացքին հնչած են համակարգչային յայտնի խաղերուն համար գրուած մեղեդիները՝ պատշաճեցուած սիմֆոնիք նուագախմբի եւ երգչախումբի համար։