Թուրքիոյ Արտաքին գործոց նախարար Մեւլիւթ Չաւուշօղլու Սթրազպուրկի մէջ թրքական համայնքի ներկայացուցիչներուն հետ հանդիպումին յայտարարած է, թէ Ֆրանսայի հայկական Սփիւռքի մէկ մասը դէմ է Թուրքիոյ եւ Ազերպայճանի հետ Հայաստանի յարաբերութիւններու բնականոնացման գործընթացին: Լուրը հաղորդած է «Անատոլու» գործակալութիւնը։
Թուրք նախարարը նշած է, թէ «որոշ Սփիւռքահայեր դէմ են լաւ յարաբերութիւններու հաստատման եւ կ՚աջակցին թշնամութեան»։
Ան Ֆրանսա բնակող իր հայրենակիցներուն կոչ ըրած է պայքարելու նման դրսեւորումներու դէմ:
