Ակադեմիկոս Աշոտ Մելքոնեան Ս. Փեթերսպուրկ տեղի ունեցած միջազգային գիտաժողովին իր ելոյթի ընթացքին հարցապնդած է Թուրքիոյ ներկայացուցիչ Տույկու Իւսքիւփլիւն:
“Եթէ, ըստ ձեզի, Թուրքիոյ հանրապետութեան մէջ կը գրուին անաչառ դասագիրքեր, ուրեմն ինչո՞ւ հոնկէ կը բացակայի Առաջին աշխարհամարտի ընթացքին Հայերու, Ասորիներու ու Յոյներու ցեղասպանութիւնը”։
Թուրքը չէ կրցած յստակ պատասխան տալ, պատճառաբանելով որ՝ միջազգային դատարան մը որոշած է, որ նման բան չէ եղած։
Ռուսաստանի Գիտութիւններու ակադեմիայի համաշխարհային պատմութեան հիմնարկի քարտուղար Մաքսիմ Եաքովլեւի՝ Թրքուհիին ուղղուած լրացուցիչ հարցումը, թէ՝ «այդ պարագային ո՞րն է ձեր անձնական կարծիքը», անպատասխան մնացած է։
