2021 Դեկտեմբեր 31-ին, Թիֆլիսի Սուրբ Գէորգ եկեղեցւոյ մէջ, Վիրահայոց թեմի առաջնորդ Կիրակոս վարդապետ Դաւթեանի հանդիսապետութեամբ, կատարուած է Գոհաբանական մաղթանք և նռօրհնէք:
Յընթացս ծիսական արարողակարգի, Թեմակալ առաջնորդը անդրադարձած է Գարեգին Բ. Ամենայն Հայոց կաթողիկոսի տնօրինութեամբ, Հայաստանեայց բոլոր եկեղեցիներուն մէջ տարեմուտի օրը գոհաբանական մաղթանքէն ետք նռան օրհնութեան կարգով հին տարին աւարտելու և նորը սկսելու երեւոյթին, յաւուր պատշաճի խօսած է արարողութեան խորհուրդին մասին, զուգահեռ գծելով նռան հատիկներուն և Երկիր մոլորակին վրայ բնակող մարդկութեան միջև, որոնք թէև միատեսակ են, բայց և անոնցմէ ո՛չ մէկը միւսին նման է: Եւ թէ զանոնք բոլորը իրարու կը կապէ հաւատքը, յոյսը և սէրը: Կիրակոս վրդ. շնորհաւորած է ներկաներուն Ամանորը՝ խաղաղութիւն, առողջութիւն և յաջողութիւններ մաղթելով աշխարհին և մարդոց:
Վիրահայոց թեմի առաջնորդին գլխաւորութեամբ, հոգևորականաց դասին կողմէ շարականներու երգեցողութեան ուղեկցութեամբ, օրհնուած է խորանին վրայ փառահեղօրէն շարուած նուռերը և բաշխուած՝ ներկաներուն:
