Մարտ 28-ին, Ազգային գրադարանի արուեստի ընթերցասրահին մէջ տեղի ունեցած է ցերեկոյթ մը՝ նուիրուած ֆրանսացի երաժիշտ Մօրիս Ռավելի ծննդեան 150-ամեակին։
Արուեստի բաժնի վարիչ Յասմիկ Առաքելեան եւ գրադարանապետ Լուսինէ Յիշէեան միասնաբար ծաւալուն նիւթ պատրաստած են եւ բազմակողմանիօրէն ներկայացուցած աշխարհահռչակ երաժիշտին կեանքն ու գործունէութիւնը։ Անոնց խօսքը մերթ ընդ մերթ ընդմիջուած է համացանցէն ձայնագրուած տարբեր երաժշտական ստեղծագործութիւններու կատարումներով։
Գրադարանին մէջ կը ցուցադրուին Ռավելի տարբեր տարիներու հրատարակութիւններ՝ ձայնանիշեր, գիրքեր, ձայնասկաւառակներ եւ այլ նիւթեր։
© 2023 Բոլոր իրաւունքները վերապահուած են։
