Ապրիլ 2-ին, ի նշան ֆրանքեւհայկական բարեկամութեան՝ Ֆրանսայի Մոն տը Մարսան քաղաքին մէջ զետեղուած է խաչքար մը։ Գիւմրեցի ճարտարապետ Սուրէն Կուրազեանի քանդակած խաչքարը՝ Գիւմրիի նուէրն է Մոն տը Մարսանին:
Բացման արարողութեան ներկայ եղած են Ֆրանսայի մէջ Հայաստանի դեսպանուհի Յասմիկ Տոլմաջեան, բարձրաստիճան պաշտօնատարներ Ֆրանսայէն, երկրին տարբեր անկիւններէն Հայեր:
Իր ելոյթին, Գիւմրիի ղեկավարի առաջին տեղակալ Արթուր Պապիկեան հաղորդած է քաղաքապետ Վարդգէս Սամսոնեանի ողջոյնի խօսքը։
Այնուհետեւ ելոյթներով հանդէս եկած են ՀՀ դեսպանուհին, Մոն Տը Մարսանի քաղաքապետ Շառլ Տայօ եւ «Երազ» հայկական երկշաբաթեայ մշակութային փառատօնի կազմակերպիչ, Théâtre de Gascogne-ի տնօրէն Անթուան Կարիել: ■
