Հոկտեմբեր 30-ին, Թիֆլիսի Սուրբ Գէորգ առաջնորդանիստ եկեղեցւոյ մէջ, յաւարտ կիրակնօրեայ պատարագի, կատարուած է հոգեհանգստեան պաշտօն: Այնուհետեւ Խոջիվանքի պանթէոնին մէջ վերաթաղուած են նախկին Վանքի մայր տաճարի տարածքին յայտնաբերուած մասունքները: Լուրը հաղորդած է Jnews կայքը։
Յիշեցնենք, որ քանի մը օր առաջ նախկին Վանքի մայր տաճարի եւ ներկայիս Թիֆլիսի թիւ 104 հայկական դպրոցի տարածին յայտնաբերուած էին հայերէն գրութիւններով մարմարեայ տապանաքարեր (տե՛ս. «ՆՅ»-ի թիւ 1796, Հոկտեմբեր 25)։
Հասարակական գործիչ Լեւոն Չիդիլեան Jnews-ի հետ զրոյցին յայտնած է, որ հողին յանձնուած են Տէր Յովհաննէս Պօղոսեանի եւ երէցկինին աճիւնները, ինչպէս նաեւ 15 անյայտ անձերէ մնացած մասունքներ, որոնք գտնուած էին վերջին ամսուան պեղումներու ժամանակ։
“Ինչպէս թեմի առաջնորդը նշեց, շատ կարեւոր էր այսօրուայ խորհուրդը, որովհետեւ վերջ ի վերջոյ այդ մարդկանց ոսկորներն իրենց հանգիստը գտան Խոջիվանքի պանթէոնում. շատ ցաւալի է այն ինչ տեղի է ունեցել 30-ական թուականներին: Ոչնչացուել են եկեղեցիներ, պղծուել գերեզմաններ եւ այսօր մենք մեր պարտքը կատարեցինք մեր նախնիների աճիւնները յանձնելով հողին”,– ըսած է ան:
