Պաքուի մէջ ընթացող դատավարութեան ընթացքին, Արցախի Հանրապետութեան նախկին նախագահ Բակօ Սահակեան վերահաստատած է, որ Արցախի հարցը ինքնորոշման հարց է եւ քրէական կամ դատական ընթացակարգի առարկայ չէ։
Սահակեան ընդգծած է, որ Արցախի շարժումը, որ սկսաւ 1988-ին, հիմնուած էր իրաւական հիմքերու վրայ՝ վկայակոչելով խորհրդային սահմանադրութիւնը եւ Միացեալ Ազգերու կանոնադրութեան մէջ ամրագրուած սկզբունքները։ Ան պնդած է, որ ինքնորոշման հետապնդումը Արցախի ժողովուրդի օրինական իրաւունքն էր։
Մերժելով իր դէմ յարուցուած ամբաստանութիւնը, Բակօ Սահակեան պնդած է, որ ինք եւ մեր միւս հայրենակիցները ապօրինի, քրէականօրէն պատժելի որեւէ յանցանք չեն գործած։
© 2023 Բոլոր իրաւունքները վերապահուած են։
