Սեպտեմբեր 15-ին, Ամենայն հայոց կաթողիկոս Գարեգին Բ. մեկնած է Վատիկան, ուր հանդիպում պիտի ունենայ Հռոմի Սրբազան Քահանայապետ Լեւոն 14-րդ պապին հետ։

Ամենայն հայոց կաթողիկոսը մեկնած է ուղեկցութեամբ Գէորգեան հոգեւոր ճեմարանի Հետազօտութեան բաժնի ղեկավար Դանիել եպիսկոպոս Ֆընտըգեանի, Մայր Աթոռի Միջեկեղեցական յարաբերութիւններու բաժնի տնօրէն Գարեգին վարդապետ Համբարձումեանի, Վեհափառ հայրապետի գաւազանակիր Եսայի աբեղայ Գրիգորեանի եւ Կաթողիկոսական գրասենեակի տնօրէն Վահրամ ա. քահանայ Մելիքեանի։

Վատիկանի մէջ Գարեգին Բ.-ին կը միանային Արեւմտեան Եւրոպայի Հայրապետական պատուիրակ եւ Վատիկանի մէջ Ամենայն հայոց կաթողիկոսի ներկայացուցիչ Խաժակ արք. Պարսամեան եւ Մեծն Բրիտանիոյ ու Իռլանտայի հայոց թեմի առաջնորդ Յովակիմ եպիսկ. Մանուկեան։