Արցախի Առողջապահութեան նախարարութիւնը հաղորդագրութեամբ մը կը տեղեկացնէ, որ Հանրապետութեան բոլոր բժշկական հաստատութիւններուն մէջ Յունիս 19-էն սկսեալ ջնջուած են ոչ-հրատապ հետազօտութիւններն ու վիրահատութիւնները։

«Արդէն 5-րդ օրն է, որ Ազերպայճանի կողմէ ամբողջովին արգիլուած է Կարմիր խաչի միջազգային կոմիտէի հովանաւորութեամբ բժշկական օգնութեան կարօտ արցախցի հիւանդներու երկկողմանի տեղաշարժը եւ բժշկական պարագաներու ու դեղորայքի մատակարարումը։

Շուրջ 175 հիւանդներ՝ տարբեր ախտորոշումներով, կը սպասեն Հայաստանի հիւանդանոցներ փոխադրուելու կարելիութեան՝ համապատասխան բժշկութիւն ստանալու համար։ “Արեւիկ” բժշկական կեդրոնին մէջ 8 երախաներ կը գտնուին վերակենդանացման եւ նորածիններու բաժիններուն մէջ»,– նշուած է Նախարարութեան հաղորդագրութեան մէջ։