Յունուար 24-ին, Արցախի Հանրապետութեան Պետական նախարար Արտակ Բեգլարեան եւ Հայ Առաքելական եկեղեցւոյ Արցախի թեմի առաջնորդ Վրթանէս եպիսկոպոս Աբրահամեան ընդունած են Դադիվանք վանական համալիրին մէջ հոգևոր ծառայութիւն մատուցած հոգևորականներու մէկ մասը, որոնք շուրջ ութամսեայ առաքելութենէ ետք վերադարձած են Ստեփանակերտ:

Պետական նախարարը բարձր գնահատելով Արցախի թեմի դերակատարութիւնը հոգևոր պայքարի առաջնագծին վրայ, ընդգծած է յատկապէս հոգևոր արժէքները պահպանելու առումով եկեղեցականներու ստանձնած առաքելութեան կարեւորութիւնը: Ան համոզում յայտնած է, որ ի վերջոյ թէ՛ Դադիվանքի եւ թէ՛ ընդհանրապէս Արցախի կարգավիճակի ու անվտանգութեան հարցը արդար լուծում պիտի գտնեն:

Յետպատերազմեան դժուարին պայմաններու տակ, Դադիվանքի վանական համալիրին մէջ անձնուրացաբար հոգևոր-ծիսական արարողութիւններ կատարելնուն, վանքախնամ աշխատանքներ տանելնուն համար «Երախտագիտութեան» շքանշանով պարգևատրուած են երկու աբեղայ և երեք սարկաւագ:

Պետական պարգևները յանձնած է Արտակ Բեգլարեան։