«Միաս­նութեան թե­ւեր» նա­խաձեռ­նութեան ղե­կավար Ար­ման Թա­թոյ­եան մտա­դիր է դառ­նալ յու­սա­հատ եւ ան­տարբեր քա­ղաքա­ցինե­րու լայն զան­գուած­նե­րուն ձայ­նը։ Այս մա­սին ան յայ­տա­րարած է Նո­յեմ­բեր 26-ին կա­յացած մամ­լոյ ասու­լի­սի մը ըն­թացքին։

“Այս մամ­լոյ ասու­լի­սին ես պի­տի պա­տաս­խա­նեմ երեք հիմ­նա­կան հար­ցումնե­րու՝ որո՞նք են երկրի խոր ար­մա­տացած խնդիր­նե­րը, ո՞վ կրնայ լու­ծել զա­նոնք, ինչպէ՞ս լու­ծել զա­նոնք եւ ո՞րն է իմ օրա­կարգս”,– ըսած է Թա­թոյեան։

Անոր գնա­հատ­մամբ՝ Հա­յաս­տա­նի մէջ ներ­քա­ղաքա­կան կեան­քը վե­րա­ծուած է մրցա­վազ­քի, փակ շղթա­յի՝ եր­կու ճիւ­ղե­րով. մէկ կող­մէն՝ Նի­կոլ Փա­շինեանը, միւս կող­մէն՝ նախ­կին նա­խագահ­նե­րը։ Թաթոյեանի կարծիքով՝ Փա­շինեան, որ իշ­խա­նու­թեան եկաւ նախ­կին նա­խագահ­նե­րուն եւ անոնց սխալ­նե­րուն նկատ­մամբ ատե­լու­թեան ալի­քին վրայ, այժմ եր­կի­րը կը պա­հէ ատե­լու­թեան եւ թշնա­ման­քի ճի­րան­նե­րուն մէջ. կը պար­զուի, թէ անոնք չեն կրնար գո­յու­թիւն ու­նե­նալ առանց մէկը միւսին։

Քա­ղաքա­կան գոր­ծի­չին համոզմամբ՝ քա­ղաքա­ցինե­րուն 60-70 տո­կոսը ան­տարբեր է, պար­զա­պէս չի մաս­նակցիր երկրի ամե­նակա­րեւոր որո­շումնե­րուն եւ չի մաս­նակցիր ընտրու­թիւննե­րուն։

“Ես կը յա­ւակ­նիմ դառ­նալ անոնց ձայ­նը։ Մենք եկած ենք ըսե­լու, որ պի­տի դառ­նանք ձեր ձայ­նը եւ բո­լորս միասին պի­տի կտրենք, պի­տի  ճեղ­քենք այս հա­մակար­գը, որ իմ հա­մոզ­մամբ՝ առ­նուազն 5 տա­րի է, եթէ ոչ աւե­լի՝ կը թու­նա­ւորէ մեր քա­ղաքա­կան դաշտը”,– յայտարարած է Թա­թոյեան։ Ան կը պնդէ, թէ այնքան ատեն որ հար­ցը դրուած է  «Նախ­կիննե­րը ընդդէմ Փա­շինեանին» ձեւով, երկրոր­դը պի­տի յաղ­թէ։

Թա­թոյեան նշած է, որ Փա­շինեանի գոր­ծո­ղու­թիւննե­րը հիմ­նուած են երեք յե­նասիւ­նե­րու վրայ՝ նախ­կին նա­խագահ­ներ, Եկե­ղեցի եւ ռուսեր։ “Անոնք սար­սա­փած են։ Փա­շինեան ին­ք չի խօ­սիր [ռուսե­րու] դէմ, բայց անոր խումբի ան­դամնե­րը կը խօ­սին անոր յանձնա­րարու­թեամբ”,– նշած է Թա­թոյեան։

Քաղաքական գործիչին համաձայն՝ ժո­ղովուրդը պա­տաս­խա­նած է հար­ցումին. «Նախ­կիննե­րը չեն կրնար վե­րադառ­նալ իշ­խա­նու­թեան»։ Հե­տե­ւա­բար, առա­ջին­նե­րուն՝ իշ­խա­նու­թեան վե­րադառ­նա­լու փոր­ձե­րը միայն կը ծառայեն սնու­ցա­նելու Փա­շինեանի իշ­խա­նու­թիւնը։

“Ես չեմ ըսեր, որ նա­խապէս՝ մին­չեւ 2018 թուակա­նը կամ պաշ­տօ­նաթող նա­խագահ­նե­րուն օրօք ոչ մէկ լաւ բան եղած է։ Ատոնք 2018 թուակա­նի դրու­թեամբ բո­լոր երեք նա­խագահ­նե­րուն օրով կու­տա­կուած խնդիր­ներն էին։ Նոյ­նը ես կ՚ըսեմ նաեւ այ­սօր։ Այ­սօր ալ լաւ բա­ներ տե­ղի կ՚ու­նե­նան եւ ատոնք դրուագա­յին են ու մեր եր­կի­րը պար­զա­պէս յե­տըն­թա­ցի մէջ կը պա­հեն։ Նի­կոլ Փա­շինեանի իշ­խա­նու­թիւնը ժխտա­կանի իշ­խա­նու­թիւն է, ժխտա­կան ինքնու­թիւն ու­նե­ցող իշ­խա­նու­թիւն է եւ ամ­բողջը կա­ռու­ցուած է ատե­լու­թեան շուրջ”,– ընդգծած է Թա­թոյեան։

Ան նաեւ կոչ ըրած է նախ­կին նա­խագահ­նե­րուն. «եթէ կ՚ու­զէք, որ Նի­կոլ Փա­շինեանը պար­տուի, մի՛ մաս­նակցիք ընտրար­շաւին»։ ■