Սեպ­տեմբեր 26-ին, Ար­ցա­խեան 44-օրեայ պա­տերազ­մի տա­րելի­ցի նա­խօրեակին, Երե­ւանի Գա­րեգին Նժդեհ հրա­պարա­կէն ծայր առած է կան­թեղնե­րով լուռ երթ՝ դէ­պի «Եռաբ­լուր» զի­նուո­րական պան­թէոն՝ առ ի յար­գանք պա­տերազ­մին իրենց կեան­քը նուիրած մեր նա­հատակ­նե­րու յի­շատա­կին։

«Հա­յաս­տան» դա­շին­քի կազ­մա­կեր­պած քայ­լերթին մաս­նակցած են ՀՀ երկրորդ նա­խագահ Ռո­բերտ Քո­չարեան, քա­ղաքա­կան ու­ժե­րու ներ­կա­յացու­ցիչներ, ԱԺ ընդդի­մադիր խմբակ­ցութիւննե­րու ան­դամներ, հա­սարա­կական գոր­ծիչներ ու քա­ղաքա­ցիներ։

Եր­թի ըն­թացքին կար­դա­ցուած են զո­հուած­նե­րուն անուննե­րը։ «Եռաբ­լուր»-ի մէջ աղօթք բարձրա­ցած է առ Աս­տուած եւ մաս­նա­կից­նե­րը խո­նար­հումով իրենց կան­թեղնե­րը զե­տեղած են զո­հերու շի­րիմ­նե­րուն առջեւ։

Յի­շատա­կի երթ՝ նաեւ Գիւմրիի մէջ

Նոյն օրը, պա­տերազ­մի նա­հատակ­նե­րուն յի­շատա­կին, Գիւմրիի Ան­կա­խու­թեան հրա­պարա­կէն սկսած է քայ­լերթ՝ դէ­պի «Շի­րակ» գե­րեզ­մա­նատու­նը, ուր ամ­փո­փուած են Ար­ցա­խեան առա­ջին, չոր­սօ­րեայ եւ 44-օրեայ պա­տերազմնե­րուն զո­հուած շի­րակ­ցի­ներու աճիւննե­րը:

Եր­թին նա­խաձեռ­նած է ՀՅԴ Գիւմրիի երի­տասար­դա­կան կազ­մա­կեր­պու­թիւ­նը, որուն միացած են մար­զա­յին այլ կա­ռոյցնե­րու ներ­կա­յացու­ցիչներ: ■