Յուլիս 13-ին, բացումը կատարուած է Գեղարքունիքի մարզի Սեւան համայնքի «Վալերի Սարգսեան» երաժշտական դպրոցի նոր շէնքին:

Երկյարկանի երաժշտական դպրոցի շինարարութեան համար ծախսուած է աւելի քան 344 միլիոն դրամ: Շէնքին կառուցման ծրագիրը իրականացուxած է Ֆրանսայի հայկական հիմնադրամը եւ գանձատրուած շնորհիւ Ալպեր ու Անթուան Ներսէսեանի եւ Ժընըվիեւ Գոնսիւլեանի կտակներուն, իսկ երաժշտական գործիքներն ու այլ սարքաւորումներուն ծախսերը յատկացուցած է Հայաստանի կառավարութիւնը:

Ընդհանուր առմամբ դպրոցէն կրնայ օգտուիլ շուրջ 230 աշակերտ։ Շէնքը ապահովուած է ջրամատակարարման, կոյուղիի, ջեռուցման հակահրդեհային օդափոխութեան, կազամատակարարման, ելեկտրամատակարարման ժամանակակից սարքերով։

Միեւնոյն ատեն բացումը կատարուած է դպրոցի հանդիսասրահին, որ այսուհետեւ կը կրէ Ֆրանսայի հայկական հիմնադրամի հիմնադիր անդամ «Էտուար Մանուկեան»-ի անունը։ Հանդիսութեան մասնակցած են նաեւ վերջինիս ընտանիքի անդամները։

Բացման արարողութեան ներկայ եղած են վարչապետ Նիկոլ Փաշինեան, Կրթութեան, գիտութեան, մշակոյթի ու մարզանքի նախարար Ժաննա Անդրէասեան, Ֆրանսայի դեսպան Օլիվիէ Տըքոթինյի, Ֆրանսայի հայկական հիմնադրամի նախագահ Պետրոս Թերզեան եւ այլ պաշտօնատարներ, ծնողներ, աշակերտներ։

Արարողութիւնը աւարտած է աշակերտներու երաժշտական կատարումներով։