ՔԱԹԱՐ – Ֆութպոլ – Արհեստագիտութիւն – 2022-ի ֆութպոլի ամէնէն մեծ տօնը սկսած է արդէն եւ անկէ անբաժան չէ մնացած նաեւ հայկական համացանցային ձեռնարկութիւնը (Start-up)՝ յանձին doodooc-ի:

Քաթարի 2022-ի ֆութպոլի համաշխարհային բաժակի մրցաշարքի երաժշտական ցուցասարքը (visualisation) պաշտօնապէս վստահուած է doodooc-ի խումբին: Նոյեմբեր 20-էն մինչեւ Դեկտեմբեր 18-ը doodooc-ի երաժշտական ցուցադրութիւնները կը հեռարձակուին Քաթարի պաստառներուն վրայ:

doodooc-ը միաւորած է իր ուժերը GL Events-ի եւ Octagon-ի հետ՝ FIFA Fan Fest 2022-ն անմոռանալի դարձնելու համար: doodooc-ը փառատօնի երաժշտական պաշտօնական ցուցասարքն է, եւ անոր ցուցադրութիւնները կը սփռուին FIFA Fan Zones-ի (հաւաքականներու համակիրներու համար՝ մրցումները հեռասփռումով դիտելու հարթակներ) իւրաքանչիւր պաստառի վրայ։

Նշենք, թէ doodooc-ը երաժշտական ցուցասարքերու նշանաւոր հարթակ մըն է: ■