ԿԱ­ԹԻԼ խումբը առա­­ջին ան­­գամ ըլ­լա­լով ելոյթ ու­­նե­­­ցաւ Փա­­րիզեան շրջա­­նին մէջ, Չո­րեք­շաբթի, Սեպ­­տեմբեր 17-ին, Մոնթրէօյ­ի «Լա Մարպրը­­րի» սրա­հէն ներս։

Ֆրան­­սա­­­հայ Երի­­տասար­­դութեան (JAF) Փա­­րիզի մաս­նա­ճիւ­ղի կազ­մա­կեր­պած այս ձեռ­նարկը, որ մաս­ կը կազ­մէր JAF-ի 80-ամեակի նշումնե­րու շար­քին, թոյլ տուաւ շուրջ 300 հա­­յերու (երի­­տասարդ եւ նուազ երի­տասարդ) հա­­ւաքուիլ եւ ու­­րախ երե­­կոյթ մը ապ­րիլ։ Սա նաեւ առիթ մըն էր ներ­­կայ ոչ—հա­­յերուն հա­­մար՝ հայ­­կա­­­կան մշա­­կոյ­­թը բա­­ցայայ­­տե­­­լու՝ շնոր­­հիւ Հայաստանէն եկած այս խումբին, որ կա­­տարեալ համադրութիւն մը կը հրամցնէ հայ­­կա­­­կան աւան­­դա­­­կան երաժշտու­­թեան եւ աւե­­լի ժա­­մանա­­կակից հա­­կումնե­­րու, ինչպէս՝ ռոք ու փո­փ։ Դու­­դուկ, զուռնայ, բլուլ, ելեկտրա­­կան կի­­թառ­­ներ եւ թմբուկներ … մէկ խօս­քով ինչ որ հարկ է սրա­­հը խան­դա­վառե­­լու հա­­մար:

Հայ­­կա­­­կան երաժշտու­­թիւնը բո­­լորին յար­­մա­­րց­նե­­լու իրենց ու­­նա­­­կու­­թեան զու­գա­հեռ՝ ԿԱ­­ԹԻԼ—ի երա­­ժիշտնե­­րը յա­ջողե­ցան սերտ փո­­խազ­­դե­­­ցու­­թիւն հաս­­տա­­­տել հան­­դի­­­սատե­­սին հետ, ստեղ­ծե­լով այն տպա­ւորու­թիւնը, թէ երա­­ժիշտնե­­րը չեն կրնար նուագել առանց պա­­րող­­նե­­­րուն, ճիշդ այնպէս ինչպէս պա­­րող­­նե­­­րը պի­տի չկա­րենա­յին պա­­րել առանց երաժշտու­­թեան։ Ու­­րեմն, այս մտեր­միկ մթնո­­լոր­­տին մէջ ըն­թա­ցաւ երե­­կոյ­թը՝ ներ­­կա­­­ները փո­­խադ­րե­լով Իրա­­նի, Թուրքիոյ, Սու­­րիոյ եւ շատ մը հայ­­կա­­­կան այլ շրջան­­նե­­ր։ Պա­­րող­­նե­­­րը դա­դարի պահ մը ու­նե­ցան միայն «Կ՚ու­­զիմ» երգի ըն­թացքին, որ հմա­­յիչ մթնո­­լորտ մը ստեղ­­ծեց՝ ամէն ինչ կա­­սեց­­նե­­­լով, նե­­րառեալ ժա­­մանա­­կը։

Հա­մեր­գի աւար­տին, հան­­դի­­­սատե­­սը դժկա­մու­թեամբ մեկ­նե­ցաւ սրա­հէն՝ լաւ մը մա­­շեց­նե­լէ ետք իր կօ­­շիկ­­նե­­­րը պա­­րի հար­թա­­­կին վրայ եւ լեց­­նե­­­լէ ետք իր սիր­­տը հայ­­կա­­­կան շունչով … մինչ երա­­ժիշտնե­­րը ճամ­­բայ կ՚իյ­նա­յին դէ­­պի Ժը­­նեւ՝ իրենց տա­­ղան­­դը բաժ­­նե­­­լու Զուիցե­րիոյ հա­­յու­թեան հետ։

ՄԵ­ԼԻՆԷ ՉՈ­ԼԱՔԵԱՆ ■