Ազերպայճանի Արտաքին գործոց նախարարութեան մամլոյ բանբեր Այխան Հաճիզատէ «կեղծ» որակած է՝ իր զինեալներուն կողմէ Հայաստանի տարածք ներթափանցման եւ հայ երկու զինուորի առեւանգման մասին Երեւանի հաղորդումը:
“Հայաստան երբեք դաս չի քաղեր իր սխալներէն: Իր գրգռութիւններուն համար ներողութիւն խնդրելու փոխարէն հայկական կողմը կեղծ լուրեր կը տարածէ։ Հայաստան պէտք է դադրեցնէ գրգռութիւնները, վերադարձնէ պահուող ազերպայճանցի զինուորները և տեղեկութիւն տրամադրէ անհետացած 3 հազար 890 անձերու մասին”,– APA լրատու գործակալութեան համաձայն՝ ըսած է Հաճիզատէ:
