«Սիւնիքի Մարզ»-ի դիմագիրքեան էջը հրապարակած է 10 փաստ, զորս «պէտք է իմանանք Հայաստանի Սիւնիքի մարզի մասին, որ հասկնանք, թէ ինչո՞ւ Ազէրպայճան եւ Թուրքիա ամէն ինչ կ՚ընեն այս շրջանը գրաւելու համար»։

«1) Հայաստանի փոքրիկ Սիւնիքի մարզը կը պարունակէ մոլիպտէնի համաշխարհային պաշարներու գրեթէ 7%-ը։

Ամբողջ աշխարհի մէջ կայ շուրջ 11.500.000 թոն մոլիպտէն, որուն 800 հազարը կը գտնուի Սիւնիքի մարզին մէջ։

Սիւնիքի մոլիպտէնի ընդհանուր արժէքը կը կազմէ շուրջ 15 միլիառ տոլար, որ  Հայաստանի 50 տարուան ռազմական ամավարկն է։

2) Փոքրիկ Սիւնիքի մարզին մէջ շուրջ 1.500.000.000 թոն երկաթ կայ (1,5 միլիառ թոն՝ 883 միլիառ տոլար արժէքով)։ Ասիկա Հայաստանի մօտաւորապէս 3000 տարուան ռազմական ամավարկն է։

3) Փոքրիկ Սիւնիքի մարզին մէջ գոյութիւն ունի շուրջ 4.000.000 թոն պղինձ՝ շուրջ 36 միլիառ տոլար արժէքով:

4) Փոքրիկ Սիւնիքի մարզը ունի 238 թոն զուտ ոսկիի և 16.000.000 թոն ոսկիի հանքաքարի պաշարներ։ Չհաշուելով ոսկիի հանքաքարի արժէքը, զուտ ոսկին 13 միլիառ տոլար կ՚արժէ։

5) Փոքրիկ Սիւնիքի մարզին մէջ 100.000 թոն ուրանիումի հանքավայրեր կան, որ գրեթէ հաւասար է հսկայական Ռուսաստանի ուրանիումի հանքավայրերուն։

6) Բացի ասոնցմէ, Սիւնիքի մարզին մէջ գոյութիւն ունին ալիւմինիումի, փլաթինի, մկնդեղի (arsenic), անթիմոնի, սնդիկի, զինկի, վոլֆրամի, տիտանի, քարածուխի, տորֆի, բիւրեղներու, ադամանդի և այլն հսկայական հանքավայրեր։

7) Հայաստանի հանքային ջուրերու 50 առ հարիւրէն աւելին կը գտնուի Սիւնիքի մարզին մէջ։

8) Փոքրիկ Սիւնիքի մարզը իր գոյութեամբ խոչընդոտ կը հանդիսանայ Մեծ Թուրանի նախագծի իրականացման, քանի որ ան կը բաժնէ Թուրքիան Ազէրպայճանէն և Կեդրոնական Ասիոյ թուրքական հանրապետութիւններէն։

9) Սիւնիքի մարզը աշխարհագրական միակ տարածքն է, որ Իրանը (իսկ անոր միջոցով՝ Հնդկաստանը) կը կապէ Եւրոպային՝ շրջանցելով «թրքական աշխարհը»։ Փոքրիկ Սիւնիքի կորուստով Իրան և Հնդկաստան, ուր կ՚ապրի աւելի քան 1,5 միլիառ մարդ (աշխարհի մարդկութեան 20 առ հարիւրը), աշխարհաքաղաքականօրէն կախեալ պիտի ըլլան Թուրքիոյ գլխաւորած «թրքական աշխարհէն»։

10) Հայաստան՝ Սիւնիքը պահպանեց մի՛այն Գարեգին Նժդեհի և անոր մարտիկներու շնորհիւ, որ ոտքի ելան Թուրքիոյ, Ազէրպայճանի և Խորհրդային Ռուսաստանի դէմ և յաղթանակ արձանագրեցին։

Հետեւաբար այս երեք երկիրներուն համար Սիւնիքը «Persona non grata» (անբաղձալի տարր) է և այդ պատճառով ալ կը փորձեն նսեմացնել անոր փառաւոր անունը՝ տարբեր տեսակի փաստեր ներկայացնելով, որոնք բնաւ չեն համապատասխաներ նշեալ երեք երկիրներու պատմութեան»։