«Թրամփի խաղաղութեան ճանապարհը»
16/08/2025
Երեւանի մնջախաղի պետական թատրոնը վերջերս մասնակցած է Սրի Լանքայի «Գոլոմպօ» միջազգային թատերական փառատօնին։
Փառատօնի մրցոյթին մասնակցած է Նաիրա Եդիգարեանի «Դէպի ներս» բեմադրութիւնը, ուր արուեստագէտը հանդէս եկած է թէ՛ իբրեւ բեմադիր եւ թէ՛ մենակատար։ Ժամանակակից մնջախաղի արուեստի արտայայտիչ լեզուով ստեղծուած այս ներկայացումը հանդիսատեսին եւ դատակազմին կողմէ արժանացած է բարձր գնահատանքի՝ որպէս ինքնաբացայայտման, ներքին ճգնաժամերու յաղթահարման եւ ինքնութեան որոնման պատկերաւորում։
Թատերախումբը «լաւագոյն բեմադրութիւն» անուանակարգին մէջ շահած է առաջին մրցանակը։
Փառատօնի շրջանակին մէջ Նաիրա Եդիգարեան Սրի Լանքայի արուեստի կեդրոնին մէջ կազմակերպած է նաեւ վարպետութեան աշխատանոցներ։
Նշենք, թէ Երեւանի մնջախաղի պետական թատրոնը հրաւէր ստացած է մասնակցելու Հնդկաստանի մէջ 2026-ին կայանալիք թատերական միջազգային փառատօնին:
© 2025 Բոլոր իրաւունքները վերապահուած են։
