Յուլիս 24-ին, Նիկոլ Փաշինեան իր կողակիցին՝ Աննա Յակոբեանի, եւ աղջկան հետ երկօրեայ աշխատանքային այցով ժամանած է Ռուսաստանի Դաշնակցութեան Ալթայի Հանրապետութիւն:

Օդակայանը Փաշինեանը դիմաւորած են Ալթայի Հանրապետութեան ղեկավար Անտրէյ Թուրչաք, Ալթայի Հանրապետութեան վարչապետ Ալեքսանտր Փրոքովիեւ եւ Կորնի Ալթայի քաղաքապետ Օլկա Սաֆրոնովա։

Այցի շրջանակին մէջ Փաշինեան երկկողմ հանդիպում ունեցած է Ռուսաստանի վարչապետ Միխայիլ Միշուսթինի հետ։

Երկու վարչապետերը քննարկած են առեւտրատնտեսական, գիտա-արհեստագիտական եւ մշակութային-մարդասիրական ոլորտներուն մէջ ռուս-հայկական կապերուն վերաբերող հարցեր:

Միշուսթին եւ Փաշինեան ընդգծած են տարբեր ոլորտներու մէջ համատեղ ծրագրերու իրագործման համար բարենպաստ պայմաններու ստեղծման կարեւորութիւնը։

Հայաստանի վարչապետը Ալթայի Հանրապետութեան մէջ նաեւ կը մասնակցէր Բնութեան եւ շրջակայ միջավայրի պաշտպանութեան նուիրուած միջազգային համաժողովին։