Լիտիա Կերկերեան-Լը Կոֆ, Ֆրանսայի Հանրապետութեան նախագահին կողմէ պարգեւատրուած է Պատուոյ լեգէոնի ասպետի շքանշանով։ Շքանշանի յանձնումի արարողութիւնը տեղի ունեցած է Հոկտեմբեր 1-ին, Մարսիլիոյ CNRS-ի (Գիտական հետազօտութիւններու ազգային կեդրոն) սրահներուն մէջ։
Լիտիա Կերկերեան-Լը Կոֆ Բժշկական ազգային ակադեմիայի շարք մը մրցանակներու դափնեկիր է, ինչպէս՝ Բժշկական հետազօտութիւններու հիմնադրամի 2018 թուականի «Ռաշէլ, Այզեն և Լէոն Լակոլնիցեր» մրցանակի:
Ան, CNRS-ի մէջ հետազօտութիւններու տնօրէնուհի է, նաեւ ղեկավարը՝ Մարսիլիոյ Զարգացման կենսաբանութեան հիմնարկի (IBDM – Institut de Biologie du Développement de Marseille) բջջային փոխազդեցութիւններու, ջիղերու այլասերումի և դարմանումի խումբին, որու աշխատանքը ուղղուած է Փարքինսոնի հիւանդութեան եւ արեան քաղցկեղի բուժման:
