«Ֆրանսախօսութիւնը Արցախի մէջ» միութիւնը Արցախին սատարող յայտարարութիւն մը հրապարակած է, ուր նշուած է թէ Միութիւնը 1991 Սեպտեմբեր 2-էն ի վեր կ՚աջակցի ազատ եւ անկախ Արցախի Հանրապետութեան։ Ան կոչ կ՚ընէ Փարիզին պատիժներ սահմանելու Ազեպայճանի դէմ՝ աւելի քան վեց ամիսէ ի վեր Արցախը շրջափակելուն եւ վերջինիս դատապարտելի գործողութիւններուն համար, եւ այս բոլորը հակառակ Արդարադատութեան միջազգային ատեանի՝ Բերձորի միջանցքը անյապաղ ապաշրջափակելու որոշումին։
Միութիւնը նշած է, թէ շրջափակումէն ի վեր՝ իրենք կարելիութիւնը չունին իրականացնելու Արցախի մշակութային-տնտեսական զարգացման աջակցութեան ուղղուած իրենց ծրագրերը։
