Ֆրունզէ Դովլաթեանի «Բարեւ, ես եմ» ֆիլմը ընդգրկուած է Գաննի փառատօնի «Դասականներ» (Cannes Classics) բաժնին մէջ եւ կը ցուցադրուի փառատօնի ընթացքին։
Հայկական շարժարուեստի ազգային կեդրոնի նախաձեռնութեամբ 2023-ին իրականացուած է ժապաւէնին թուային վերականգնումը՝ «Հայաստան» համահայկական հիմնադրամի նիւթական աջակցութեամբ։
«Բարեւ, ես եմ»-ը նկարահանուած է 1965-ին «Հայֆիլմ»-ին կողմէ։ Ան հիմնուած է ֆիզիկոս Արտեմ Ալիխանեանի կենսագրութեան վրայ։
