Դեկտեմբեր 17-ին, Հայաստանի մէջ ՄԱԿ-ի գրասենեակին առջեւ բողոքի ցոյց կատարած են բժիշկները, յայտարարելով որ կը փափաքին Արցախ մեկնիլ հոն գտնուող ծանր հիւանդները բուժելու նպատակով։
Երեւանի «Մխիթար Հերացի» պետական բժշկական համալսարանի վիրաբուժութեան ամպիոնի տնօրէն Գագիկ Յակոբեան նշած է, որ եթէ միջազգային հանրութիւնը բժշկական օդանաւ տրամադրէ, Հայաստանի բժիշկներէն շատեր նոյն գիշերն իսկ պատրաստ են մեկնելու Արցախ։
«Երէկ ցոյց էին տալիս, թէ ձմռան այս ցրտաշունչ պայմաններում Արցախում իր երեխային նոր ծնունդ տուած մայրը ի՛նչ միջոցներով է տաքացնում մանկիկին…։ Սա ուղղակի բարբարոսութիւն է, սա ո՛չ մի կերպ չի կարելի արդարացնել»,– ըսած է ան։ ■
