Հայաստանի Արտաքին գործոց նախարարութեան մամլոյ բանբեր Վահան Յունանեան իր պաշտօնէն հրաժարելու դիմում ներկայացուցած է։ Ան Դիմագիրքի իր էջին տեղադրած գրառումով նաեւ տեղեկացուցած է, թէ այսուհետեւ բանբերի պարտականութիւնները կը կատարէ Անի Բադալեան։

Յունանեան շնորհակալութիւն յայտնած է նախարար Արարատ Միրզոյեանին՝ իր նկատմամբ ցուցաբերած վստահութեան համար, նշելով թէ պիտի շարունակէ դիւանագիտական ծառայութիւնը Արտաքին գործոց նախարարութեան համակարգին մէջ։