Ազերպայճանի նախագահ Իլհամ Ալիեւ կը շարունակէ զէնք ճօճել։
Ազերպայճանական հեռատեսիլին տուած հարցազրոյցին, նախագահ Ալիեւ յայտարարած է, թէ «պատերազմէն յետոյ անցեալ երկուքուկէս տարիներուն Պաքու շատ մեծ ուշադրութիւն դարձուցած է բանակաշինութեան հարցերուն։
Ան բացարձակ վստահութիւն յայտնած է, որ այսօրուան ազերպայճանական բանակը շատ աւելի զօրաւոր է, քան 2020-ին յաղթանակ արձանագրածը։ «Բայց, միաժամանակ, անգամ մը եւս կ՚ուզեմ ըսել, որ մենք որեւէ պահու պէտք է պատրաստ ըլլանք որեւէ իրավիճակի»,– Ալիեւի խօսքերէն մէջբերած են ազերպայճանական լրասփիւռները։
Նոյն հարցազրոյցին ան յայտարարած է նաեւ, որ «Հայաստան պէտք է պաշտօնապէս յայտարարէ, թէ Ղարաբաղը Ազերպայճան է»։
