Հայաստանի ողիմպիական հաւաքականի անդամ, կռփամարտիկ Դաւիթ Չալոյեան Հայաստանի դրօշակակիրը պիտի ըլլայ Փարիզի մէջ կայանալիք Ողիմպիական խաղերու բացման հանդիսաւոր արարողութեան՝ Յուլիս 26-ին։

2021-ի աշխարհի առաջնութեան արծաթէ մետալակիր, բանակայիններու աշխարհի առաջնութեան պրոնզէ մետալին արժանացած Դաւիթ Չալոյեան իր մարզական ասպարէզին մէջ առաջին անգամն է, որ կը մասնակցի Ողիմպիական խաղերուն։

Հայաստան՝ Փարիզի 33-րդ ամառնային Ողիմպիական խաղերուն կ՚ունենայ 15 մասնակից` հրաձիգ Էլմիրա Կարապետեան, մարմնամարզիկներ Արթուր Դաւթեան (յենացատկ), Վահագն Դաւթեան (օղակներ), ըմբիշներ Սլաւիկ Գալստեան (յունահռոմէական ոճ, 67 քկ.), Մալխաս Ամոյեան (յունահռոմէական ոճ, 77 քկ.), Արթուր Ալեքսանեան (յունահռոմէական ոճ, 97 քկ.), Արսէն Յարութիւնեան (ազատ ոճ, 57 քկ.), Վազգէն Թեւանեան (ազատ ոճ, 65 քկ.), ծանրորդներ Անդրանիկ Կարապետեան (89 քկ.), Գարիկ Կարապետեան (102 քկ.), Վարազդատ Լալայեան (+102 քկ.), կռփամարտիկ Դաւիթ Չալոյեան (+92 քկ.), լուղորդներ Արթուր Բարսեղեան եւ Վարսենիկ Մանուչարեան, վազորդ Երուանդ Մկրտչեան:

Էլմիրա Կարապետեան մասնակցած է ողիմպիական ջահի փոխանցման վազքին

Հայաստանի Ողիմպիական հաւաքականի անդամ, հրաձիգ Էլմիրա Կարապետեան Յուլիս 17-ին Փարիզի մէջ մասնակցած է Ողիմպիական խաղերու ջահի փոխանման վազքին, Վիլեր-Գոթըրէ քաղաքին մէջ (Հօ-տը-Ֆրանսի շրջան)։