Հայաստանի Գիտութիւններու ազգային ակադեմիայի եւ Գերմանիոյ Միւնսթերի համալսարանի հնագէտները Հայաստանի հնագոյն Արտաշատ քաղաքին մէջ յայտնաբերած են նախապէս անծանօթ վաղ քրիստոնէական եկեղեցիի մը մնացորդները։
Գտածոն ութանկիւն շինութիւն մըն է՝ խաչաձեւ ընդարձակումներով։ Գիտնականներու խումբը պեղած է եկեղեցւոյ մէկ մասը եւ զայն ուսումնասիրած՝ օգտագործելով երկրաֆիզիքական մեթոտները:
“4-րդ դարու շինութիւնը երկրի հնագիտօրէն փաստագրուած ամենահին եկեղեցին է, որ կը ներկայացնէ վաղ քրիստոնէութեան զգայացունց ապացոյցները Հայաստանի մէջ”,– ըսած է Միւնսթերի համալսարանի դասախօս Ախիմ Լիխթենպերկեր:
“Ութանկիւն եկեղեցիները այստեղ ցայժմ անծանօթ էին, բայց մեզի շատ ծանօթ է Արեւելեան միջերկրականեան տարածաշրջանէն, ուր անոնք առաջին անգամ յայտնուած են 4-րդ դարուն”,– աւելցուցած է Հայաստանի Գիտութիւններու ազգային ակադեմիայի դոկտոր Մկրտիչ Զարդարեան:
© 2023 Բոլոր իրաւունքները վերապահուած են։
