Փետրուար 12-ին սիրոյ բարեխօս Սուրբ Սարգսի տօնն է, նաև` սուրբ Սարգիս զօրավարի յիշատակութեան և երիտասարդներու օրհնութեան օրը, որ կը նշուի Հայ Առաքելական Եկեղեցիի կողմէ։
Այս առթիւ Արարատեան հայրապետական թեմի առաջնորդանիստ Սուրբ Սարգիս եկեղեցւոյ մէջ մատուցուած է պատարագ և կատարուած զինուորներու օրհնութեան կարգը։ Լուրը հաղորդած են ՀՀ Պաշտպանութեան նախարարութենէն։
Այնուհետև Առաջնորդարանի դահլիճին մէջ տեղի ունեցած է զինուորներու պարգևատրման արարողութիւնը: Արցախեան 44-օրեայ պատերազմին մասնակցած, ինչպէս նաև մարտական հերթապահութիւն կատարող 20 զինուորներ պարգևատրուած են յատուկ պարգևներով և խորհրդանշական նուէրներով:
Պարգևները յանձնած է Հայ առաքելական եկեղեցւոյ Արմաւիրի թեմի առաջնորդ, Սիոն արք. Ադամեան: Ան շնորհաւորած է բոլորը և կոչ ըրած նոյն նուիրումով շարունակելու մեր հայրենիքի սահմանները պաշտպանելու սրբազան առաքելութիւնը։
