Միրզոյեան եւ Լուիս Պոնօ քննարկած են տարածաշրջանային անվտանգութեան առնչուող հարցեր

 

Հայաստանի Արտաքին գործոց նախարարութիւնը կը հաղորդէ, թէ Յունուար 8-ին նախարար Արարատ Միրզոյեան ընդունած է ԱՄՆ-ու Կովկասեան բանակցութեանց հարցերու աւագ խորհրդական, Մինսքի խումբի համանախագահ Լուիս Պոնօն:

Կողմերը քննարկած են տարածաշրջանային անվտանգութեան վերաբերող հարցեր, անդրադառնալով նաեւ Հայաստանի եւ Ազերպայճանի միջեւ յարաբերութիւններու կարգաւորման հոլովոյթին։