Ս. ՓԵԹԵՐՍՊՈՒՐԿ – Վարչապետ Փաշինեան մասնակցած է ԱՊՀ-ի պետութիւններու ղեկավարներու ոչ-պաշտօնական համաժողովին

Դեկտեմբեր 26-ին, վարչապետ Նիկոլ Փաշինեան Ս. Փեթերսպուրկի մէջ մասնակցած է Անկախ Պետութիւններու Համագործակցութեան (ԱՊՀ) պետութիւններու ղեկավարներու ոչ-պաշտօնական համաժողովին: Նախ տեղի ունեցած է հանդիպման մասնակիցներու լուսանկարումի արարողութիւնը, այնուհետեւ ներկաները ողջունած է Ռուսաստանի նախագահ Վլատիմիր Փութին:

Հանդիպումին քննարկուած են ԱՊՀ-ի երկիրներու համագործակցութեան վերաբերող հարցեր:

Մինչ այդ ղեկավարները այցելած են «Փաւլովսք» պետական գեղարուեստա-ճարտարապետական թանգարան, Եկատերինեան պալատ, Փեթերկոֆի պալատներու ու պարտէզներու համալիր եւ ծանօթացած պատմական ցուցանմուշներուն: