Վարչապետը ընդունած է Միջազգային ճգնաժամային խումբի նախագահը

Դեկտեմբեր 20-ին, վարչապետ Նիկոլ Փաշինեան ընդունած է Միջազգային ճգնաժամային խումբի նախագահ Գոմֆորթ Էռոն:

Զրուցակիցները քննարկած են տարածաշրջանային իրավիճակին վերաբերող հարցեր: Անոնք անդրադարձած են Հարաւային Կովկասի կայունութեան ու մնայուն խաղաղութեան հաստատման կարելիութիւններուն, Հայաստան-Ազերպայճան յարաբերութիւններու կարգաւորման գործընթացին ու վերջին զարգացումներուն: 

Վարչապետը ներկայացուցած է հայկական կողմի կեցուածքը՝ խաղաղութեան պայմանագրի սկզբունքներուն շուրջ: 

Միտքեր փոխանակուած են նաեւ Ազերպայճանի կողմէ ցեղային զտման ենթարկուած եւ Արցախէն բռնի տեղահանուածներու մարդասիրական խնդիրներուն, անոնց լուծման ուղղութեամբ Հայաստանի կառավարութեան իրագործած ծրագրերուն շուրջ: Երկուստեք ընդգծուած է միջազգային հանրութեան աջակցութեան կարեւորութիւնը: 

Գոմֆորթ Էռօ այցելած է հայ-ազերպայճանական սահմանը

Նոյն օրը, Միջազգային ճգնաժամային խումբին նախագահը՝ Հայաստան հաստատուած Եւրոպական Միութեան առաքելութեան ներկայացուցիչներուն հետ այցելած է հայ-ազերպայճանական սահմանը:

«Ապշեցուցիչ է տեսնել, թէ որքան մօտ են երկու կողմերու մարտական դիրքերը»,– X-իր էջին գրած է տիկին Էռօ: