Հոկտեմբեր 5-ին, վարչապետ Փաշինեան Ազգային ժողովին մէջ յայտարարած է, թէ կը մեկնի Փրակա, ուր Եւրոպական Միութեան ոչ-պաշտօնական համաժողովի շրջանակին մէջ քառակողմ հանդիպում պիտի ունենայ Ազերպայճանի նախագահ Իլհամ Ալիեւի, Ֆրանսայի նախագահ Էմանիւէլ Մաքրոնի, Եւրոպական խորհուրդի նախագահ Շառլ Միշէլի հետ։

Ան տեղեկացուցած է, թէ Չեխիոյ մայրաքաղաքին մէջ նախատեսուած է հանդիպում նաեւ Թուրքիոյ նախագահ Էրտողանի հետ։

“Ես մեկնում եմ Պրահա, մասնակցելու եմ եւրոպական քաղաքական համայնքի գագաթնաժողովին։ Այդ շրջանակում քառակողմ հանդիպում է նախատեսուած իմ, Ադրբեջանի նախագահի, Ֆրանսիայի նախագահի և Եւրոմիութեան խորհրդի նախագահի միջեւ։ Նաեւ նախատեսուած է հանդիպում Թուրքիայի նախագահի հետ։ Դրա հնարաւորութեան մասին մենք յայտարարել էինք։ Եթէ որեւէ բան չփոխուի, սրանք կը լինեն հիմնական հանդիպումները, որը, ըստ էութեան, ընդհանուր խաղաղութեան օրակարգի քննարկման մէջ է տեղաւորւում”,– ըսած է վարչապետը։

Ան տեղեկացուցած է նաեւ, որ Փրակայէն պիտի մեկնի Ս. Փեթերսպուրկ՝ մասնակցելու ԱՊՀ-ի ոչ-պաշտօնական համաժողովին։