ԱՓԱ լրատու գործակալութեան համաձայն՝ Ազերպայճանի գլխաւոր դատախազ Քեամրան Ալիեւ յայտարարած է, թէ Պաքուի մէջ բանտարկուած Արցախի ղեկավարութեան գործով պիտի ստեղծուի յատուկ քննչական խումբ մը:

“Բոլոր հետաքննութիւնները կ՚իրականացուին Ազերպայճանի օրէնսդրութեան եւ միջազգային համաձայնագրերուն  համապատասխան: Ազերպայճանի ժողովուրդն ալ տեղեակ կը պահուի այս հետաքննութեանց ընթացքին եւ արդիւնքներուն մասին։ Նախաքննութիւնը աւարտելէ ետք գործը պիտի ղրկուի դատարան”,– ըսած է ան: