Ազերպայճանի Պաշտպանութեան նախարարութիւնը կը պնդէ, որ հայկական կողմը, իբրեւ թէ, լրացուցիչ ուժեր՝ հետեւակ եւ հրետանի կը կուտակէ Տաշքեսանի (Վարդենիսի հանդիպակաց) ուղղութեամբ:
«Հոկտեմբեր 16-էն մենք կը նկատենք զինուորներու եւ հրետանիի 4 միաւորի տեղադրում Ազերպայճանի բանակի դիրքերուն դիմացը՝ Տաշքեսանի ուղղութեամբ»,– նշուած է Ազերպայճանի Պաշտպանութեան նախարարութեան հրապարակած հաղորդագրութեան մէջ:
Պաքուի համաձայն՝ «տարածաշրջանին մէջ իրավիճակի հնարաւոր լարումի պատասխանատւութիւնը պիտի կրէ Հայաստանի ռազմաքաղաքական ղեկավարութիւնը»։
Հայաստանի Պաշտպանութեան նախարարութիւնը արձագանգելով Պաքուի այս պնդումներուն՝ յայտարարած է, թէ Վարդենիսի ուղղութեամբ հրետանային սարքերու առկայութիւնը անմիջականօրէն կապուած է Ազերպայճանի զօրքերու կողմէ լրացուցիչ ուժերու եւ միջոցներու տեղաշարժով, որ յառաջացուցած է որոշ լարում: Նշուած է, թէ Հայկական կողմի քայլերը կը կրեն բացառապէս պաշտպանական բնոյթ:
«Հայկական կողմի գործողութիւնները իրադրութիւնը լարելու նպատակ չունեն, եւ ադրբեջանական կողմի՝ յիշատակուած միջոցները տուեալ ուղղութիւնից դուրս բերելու դէպքում, հայկական կողմը եւս դուրս կը բերի իր լրացուցիչ միջոցները: Հայկական կողմը պատրաստ է տուեալ հարցի շուրջ բանակցել»,– ըսուած է Հայաստանի Պաշտպանութեան նախարարութեան այս առթիւ հրապարակած հաղորդագրութեան մէջ։
© 2023 Բոլոր իրաւունքները վերապահուած են։
