Յուլիս 2-ին, իրաւապաշտպան Արման Թաթոյեան Դիմագիրքի իր էջին կատարած է հետեւեալ գրառումը.

«Ադրբեջանի “խաղաղասէր” իշխանական քարոզչութիւնը բռնագրաւման նոր պահանջներ է ներկայացնում Հայաստանին՝ այս անգամ առաւել սթափեցնող ցանկով.

Ըստ այդմ, Հայաստանի Սահմանադրութեան մէջ պէտք է կատարել, այսպէս կոչուած, “արեւմտեան ադրբեջանցիների վերաբնակեցման» առնչուող երկու փոփոխութիւն՝

1) “արեւմտեան ադրբեջանցիների” անվտանգութեան ապահովում՝ օտարերկրեայ միջնորդական առաքելութեան երաշխաւորութեամբ։ Հայաստանում պէտք է տեղակայուեն զինուած ուժեր այն երկրից, որը դաշնակից է Ադրբեջանին ու վայելում է վստահութիւն (ակնյայտ է չէ՞ որ երկիրն է)։

Քանի որ Ադրբեջանը չի վստահում Հայաստանին, ինչ-որ փուլից սկսած “արեւմտեան ադրբեջանցիները” իրենք պէտք է ունենան սեփական անվտանգութիւնը կազմակերպելու հնարաււորութիւն՝ զինուած ստորաբաժանումներ ստեղծելով.

2) “արեւմտեան ադրբեջանցիների” ադրբեջաներէնով կրթութեան իրաւունքի ապահովում։

Այս առաջարկները “արեւմտեան Ադրբեջան” բռնագրաւող հայեցակարգի նոր զարգացումներ են, որոնք հիմնուած են բացարձակ կեղծիքի վրայ, որ անտեսել չի կարելի։ Ընդ որում, ադրբեջանական իշխանական տարբեր աղբիւրներ նշում են, թէ “վերաբնակեցման” ենթակաների թիւը 300.000 է:

Դրանք ցոյց են տալիս, որ ադրբեջանական իշխանութեան խաղաղասիրութիւնը կեղծ է, շղարշ է արտաքին աշխարհի համար։ Իրականում, տարւում է Հայաստանը բռնագրաւելու քաղաքականութիւն. պարզապէս դա արւում է մարդասիրական քօղի ներքոյ։

Սա այն է, ինչ արուեց Արցախի նկատմամբ. սկզբում ցեղային զտումների իրական նպատակով Արցախի մեկուսացումն էր, “բնապահ գործիչների” ու ադրբեջանական անցակէտի տեղադրումը եւ Արցախ տանող ճանապարհների ամբողջական փակումը, իսկ դրանից յետոյ էլ զինուած յարձակումները Արցախի նկատմամբ։

Այս ամէնը ցուցադրուել է ադրբեջանական իշխանութեան “Baku TV” հեռուստատեսութեամբ, որտեղ ներկայացուել են կեղծ փաստեր»: