Արցախի Մարդկային իրաւանց պաշտպան Գեղամ Ստեփանեան Դիմագիրքի իր էջին գրառումով հաղորդած է, թէ վառելիքի պահեստին մէջ տեղի ունեցած պայթումին հետեւանքով վիրաւորներու թիւը 200-ը անցած է եւ մեծամասնութեան առողջական վիճակը ծայրայեղ ծանր է։

Ան նշած է, որ Արցախի բժշկական կարելիութիւնները բաւարար չեն մարդոց կեանքը փրկելու համար։ Վիրաւորները օդային ճամբով տարհանելու խիստ կարիքը կայ։