Արցախի Արտաքին գործոց նախարար Դաւիթ Բաբայեան՝ անդրադառնալով Ալիեւի վերջին յայտարարութեան յայտնած է, որ՝ Արցախի համար Ազերպայճանի կազմին մէջ որեւէ կարգավիճակ անընդունելի է։ Այս կապակցութեամբ ան Դիմագիրքի իր էջին մասնաւորապէս գրած է.-
«Ադրբեջանի նախագահ Իլհամ Ալիեւը երէկ (Օգոստոս 12-ին) իր հարցազրոյցում ասել է, որ Ադրբեջանի կազմում Ղարաբաղ ապրող Հայերը չեն ունենայ ո՛չ կարգավիճակ, ո՛չ անկախութիւն, ո՛չ էլ յատուկ արտօնութիւններ։ Լաւ, ի՞նչ կարելի է ասել այստեղ։ Մանրամասների մէջ խորանալու իմաստ չկայ։ Միայն ասեմ հետեւեալը.- Դէ, նախ ուզում եմ շնորհակալութիւն յայտնել Ալիեւին անկեղծութեան համար։ Իրօք, ո՛չ Ադրբեջանը, ո՛չ էլ նրա ղեկավարութիւնը երբեւէ չեն թաքցրել Արցախի վերաբերեալ իրենց ծրագրերը: Երկրորդը, իսկապէս, Ղարաբաղը Ադրբեջանի կազմում ոչինչ չի ունենայ, քանի որ այդ դէպքում Ղարաբաղը գոյութիւն չի ունենայ։ Բացի այդ, Արցախի համար Ադրբեջանի կազմում որեւէ կարգավիճակ անընդունելի է։ Ինչպէ՞ս կարող էին Հրեաները գոնէ ինչ-որ վարչական-տարածքային կարգավիճակ ունենալ նացիստական Գերմանիայում»:
© 2023 Բոլոր իրաւունքները վերապահուած են։
