Դեկտեմ­բեր 19-ի լիագու­մար նիս­տին, 434 թեր, 30 դէմ, 89 ձեռնպահ ձայ­նե­րով Եւ­րո­պական խորհրդա­րանը որդգե­րած է Ազեր­պայճա­նի մէջ քա­ղաքա­ցիական հա­սարա­կու­թեան եւ անկախ լրաս­փիւռնե­րու շա­րու­նա­կական ճնշումնե­րուն վե­րաբե­րող բա­նաձե­ւը։ Այս քուէար­կութեան նա­խոր­դած էր Դեկ­տեմ­բեր 18-ին նոյն նիւ­թին շուրջ խորհրդա­րանա­կան քննար­կումը:

Եւ­րո­պական խորհրդա­րանի ան­դամնե­րը խստօ­րէն կը դա­տապարտեն Ալիեւի վար­չա­կազ­մին կող­մէ մամ­լոյ ազա­տու­թեան եւ այ­լա­խոհու­թեան ճնշու­մը՝ կոչ ընե­լով Եւ­րո­պական Միու­թեան գոր­ծա­դիր իշ­խա­նու­թիւննե­րուն թի­րախա­յին պա­տիժ­ներ սահ­մա­նել Ազեր­պայճա­նի այն պաշ­տօ­նատար­նե­րուն դէմ, որոնք կը խախ­տեն մարդկա­յին իրա­ւունքնե­րը։ 

Խորհրդա­րանը կ՚առա­ջար­կէ նաեւ առ­կա­խել ու­ժա­նիւ­թի ոլոր­տին մէջ ռազ­մա­վարա­կան գոր­ծընկե­րու­թեան մա­սին 2022-ի փո­խըմբռնման յու­շա­գիրը։ 

Բա­նաձեւին մէջ խորհրդա­րանա­կան­նե­րը անուն առ անուն յիշատակելէ ետք քաղաքական գլխաւոր բանտարկեալները՝ կը պնդեն, թէ Ազեր­պայ­ճան պէտք է «ան­վե­րապա­հօրէն ազատ ար­ձա­կէ քա­ղաքա­կան դրդա­պատ­ճառնե­րով ձեր­բա­կալուած իրա­ւապաշտպան­նե­րը, լրագ­րողնե­րը, քա­ղաքա­ցիական եւ քա­ղաքա­կան գոր­ծիչնե­րը, վե­րաց­նէ անոնց դէմ ուղղուած բո­լոր ամ­բաստա­նու­թիւննե­րը»։

Նշենք, թէ բա­նաձե­ւին մէջ յի­շատա­կուած են 23 հայ գե­րինե­րը, նե­րառեալ՝ Ար­ցա­խի նախ­կին ղե­կավար­նե­րը եւ կոչ յղուած է ան­յա­պաղ ազատ ար­ձա­կելու զա­նոնք, երկրի բո­լոր քա­ղաքա­կան բան­տարկեալ­նե­րուն հետ միաս­նա­բար։ Դեկ­տեմբեր 18-ի խորհրդա­րանա­կան քննարկման ժա­մանակ քա­նի մը խորհրդա­րանա­կան­ներ ար­ծարծած են հայ պա­տանդնե­րուն հար­ցը, ինչպէս նաեւ դա­տապար­տած Ար­ցա­խի բնիկ հայ բնակ­չութեան դէմ գոր­ծուած յար­ձակման եւ մարդկա­յին իրա­ւունքնե­րու ոտ­նա­հար­ման քա­ղաքա­կանու­թիւնը։ ■