79 տարեկանին կեանքին հրաժեշտ տուած է Հայաստանի Ազգային ժողովի նախկին նախագահ, Հայոց համազգային շարժումի (ՀՀՇ) հիմնադիր-անդամ Բաբգէն Արարքցեան։

Ան ծնած է 1944 Սեպտեմբեր 16-ին Երեւան: Աւարտած է Մոսկուայի պետական համալսարանը՝ մաթեմատիկոսի վկայականով: Եղած է «Ղարաբաղ» կոմիտէի անդամ: 1988 Դեկտեմբեր 10-ին ձերբակալուած եւ մինչև 1989 Մայիս 31 բանտարկուած է Կոմիտէի միւս անդամներուն հետ: 

1990-1991 Հայաստանի Գերագոյն խորհուրդի (ԳԽ) նախագահի առաջին տեղակալն էր, իսկ 1991-ին ընտրուած է ԳԽ-ի նախագահ եւ այդ պաշտօնը վարած է մինչեւ 1995 թուականը։ Այդ տարիներուն Արարքցեան նաեւ եղած է Հանրաքուէի կեդրոնական յանձնաժողովի նախագահ, ապա՝ ԳԽ-ի Սահմանադրական յանձնաժողովի համանախագահ:

1995 Յուլիս 27-ին Արարքցեան ընտրուած է Ազգային ժողովի նախագահ՝ հանդիսանալով Հայաստանի խորհրդարանի առաջին նախագահը։ Այդ պաշտօնէն հրաժարած է 1998-ին՝ Հայաստանի առաջին նախագահ Լեւոն Տէր-Պետրոսեանի խումբին հետ միաժամանակ։

Արարքցեան հիմնադրած ու ղեկավարած է «Արմատ» հասարակական կազմակերպութիւնը։ Ան աւելի քան 30 գիտական աշխատութիւններու եւ համալսարանական դասագիրքերու հեղինակ է:

Յիշատակն արդարոց օրհնութեամբ եղիցի։