Հայկական «Բազումք» տիեզերական հետազօտութիւններու գիտաշխանոցի եւ «Գիտական նորարարութեան և կրթութեան կեդրոն»-ի (CSIE) միատեղ աշխատանքներով ստեղծուած «Հայասաթ-1» բոլորովին հայակերտ արբանեակը, որ Դեկտեմբեր 1-ին տիեզերք արձակուած էր, արդէն անջատուած է հրթիռէն ու մտած է իր ուղեծիրը։

«Բազումք»-ը իր Դիմագիրքեան էջին գրառումով կը հաղորդէ, թէ յաջորդ փուլին արբանեակը պէտք է բանայ իր ալեհաւաքները եւ իրենք պիտի կարենան կապ հաստատել «Հայասաթ-1»-ի հետ։