Մարտ 21-ին, Հան­րա­պետու­թեան նա­խագա­հի նստա­վայ­րին մէջ պաշ­տօ­նապէս սկսած են աշ­խարհահռչակ արուես­տա­գէտ, եր­գիչ Շառլ Ազ­նա­ւու­րի ծննդեան 100-ամեակին նուիրուած յո­բելի-­նական ձեռ­նարկ­նե­րը։ Ներ­կայ եղած են վար­չա­պետի աշ­խա­տակազ­մի ղե­կավար Արա­յիկ Յա­րու­թիւնեան, Կրթու­թեան, գի­տու­թեան, մշա­կոյ­թի եւ մար­զանքի նա­խարար Ժան­նա Անդրէասեան, բարձրաս­տի­ճան այլ պաշ­տօ­նատար­ներ, երես­փո­խան­ներ, Ազ­նա­ւուր ըն­տա­նիքի ան­դամներ։

Նա­խագահ Խա­չատու­րեան իր ող­ջոյնի խօս­քին մէջ բարձր գնա­հատած է Ազ­նա­ւու­րը՝ իբ­րեւ եր­գա­հան, եր­գիչ, տա­ղան­դա­ւոր դե­րասան, մեծ բա­րերար եւ Հա­յաս­տա­նի դես­պան, որ իր հա­րուստ ստեղ­ծա­գոր­ծա­կան կեան­քի ըն­թացքին կեր­տած է մի­ջազ­գա­յին համ­բաւ վա­յելող ան­մահ ար­ժէքներ։

Նշենք, թէ Շառլ Ազ­նա­ւու­րի ծննդեան 100-ամեակին նուիրուած ձեռ­նարկնե­րու շար­քին թէ՛ Հա­յաս­տա­նի եւ թէ՛ ար­տա­սահ­մա­նի մէջ տե­ղի պի­տի ու­նե­նան բազ­մա­թիւ մի­ջոցա­ռումներ՝ հա­մերգներ, ֆիլ­մե­րու ցու­ցադրու­թիւններ, ցու­ցա­հան­դէսներ եւ այլն: ■