Numbeo-ի 2025-ի ապահովութեան ցուցանիշին համաձայն՝ Հայաստան աշխարհի ամէնէն ապահով երկիրներու տասնեակին մէջ է։ Մեր երկիրը կը գրաւէ ցանկին 8-րդ տեղը:

Numbeo-ի փորձագէտները ներկայացուցած են անվտանգութեան թարմացուած ցուցանիշը՝ ըստ երկիրներու, որ կը պարզէ հետեւեալ պատկերը.

Անտորրա, Արաբական Միացեալ Էմիրութիւններ, Քաթար, Թայուան, Օման, Մեն կղզի, Հոնկ Քոնկ, Հայաստան, Սինկափուր եւ Ճափոն։

Դրացի Վրաստանը 21-րդ տեղը կը գրաւէ (73,7 կէտ), Ազերպայճանը՝ 33-րդը (68,2 կէտ), Ռուսաստանը՝ 51-րդը (61,3 կէտ), Թուրքիան՝ 57-րդը (58,8 կէտ), Իրանը 93-րդն է (49,5 կէտ)։

Աշխարհի ամէնէն վտանգաւոր երկիրներն են՝ Վենեզուելան, Փափուա Նոր Կինէան, Հայիթին, Աֆղանիստանը, Հարաւային Ափրիկէն, Հոնտուրասը, Թրինիտատ եւ Թոպակօն, Սուրիան, Ճամայիքան եւ Փերուն։